GRISONES

GRISONES

Germ. Grawpundtner, Gall. les Grisons, populi Germaniae, intra Alpes; et ad fontes Rheni et Oeni, ubi alias Rhoeti Alpini dicti, in Rhoetia. Tota regio montibus horret. Sunt autem sui iuris, et post varia inter se foedera Grisones tandem omnes sociati sunt A. C. 1471. et cum omnibus Helvetiis perpervum foedus percussêrunt A. C. 1491. Grisones habent ad Bor. partim Sueviam, partim Helvetios, uti ad Occas. ad Ort. Comitatum Tirolensem, et ad Mer. dominium Venetum et Ducatum Mediolanensem. Illius regionis sunt sex partes, nempe Foedus superius, la Ligue Grise; GErmanice Oberpundt; Foedus Cathedrale seu domus Dei, la Ligue de la maison Dieu vel la Cadee, Germanice Gottespundt, Foedus decem iurisdictionum, la Ligue des dix droitures, Germanice Zehen-Gerichtenpunt, et Grisonum subditi, nempe vallis Tellina, la Val Teline, comitatusqueve Clavennensis et Bormiensis, les Comtez de Chiavenna et de Bormio. Vide Rhaets. Grisonum Urbes. Bormium, Bormio. Clavenna, Chiavenna, Curia, Coire, et Chur. Magia, Meyenfeld. Morbenium, Morbegno. Sondrium, Sondrio. Tiranum Tirano.